“Bir million programmist” joybarı sheńberinde oqıw kursların tabıslı tamamlaǵan hám sertifikat alǵan jaslarǵa kompyuter satıp alıw ushın tutınıw kreditlerin ajıratıw hám de usı kreditlerdiń procent tólewlerin kompensaciya qılıw haqqında mag’lıwmat
“Bir million programmist” joybarı sheńberinde oqıw kursların tabıslı tamamlaǵan hám sertifikat alǵan jaslarǵa kompyuter satıp alıw ushın tutınıw kreditlerin ajıratıw hám de usı kreditlerdiń procent tólewlerin kompensaciya qılıw haqqında.
Húrmetli Prezidentimizdiń jaslarǵa degen itibarı oǵada sheksiz. Solardan biri “Jaslardıń isbilermenlik iskerligin qollap-quwatlaw hám bantligine kómeklesiw, olardı social qorǵaw hám de bos waqıtların mazmunlı shólkemlestiriwge tiyisli qosımsha ilajlar tuwrısında”ǵı 2021-jıl 20-apreldegi PP-6208-san Pármanı qabıllandı hámde usı pármanınıń orınlanıwın támiynlew maqsetinde Ministrler Kabinetiniń 2021-jıl 4-oktyabr kúngi 617-san qararı qabıl etildi.
“Bir million programmist” joybarı sheńberinde oqıw kursların tabıslı tamamlaǵan hám sertifikat alǵan jaslarǵa kompyuter (sonday-aq, Ózbekistan Respublikasında islep shıǵarılmaǵan) satıp alıw ushın bazalıq esaplaw muǵdarınıń 25 esesinen kóp bolmaǵan muǵdarda tutınıw krediti ajıratıw jáne onıń procent tólewlerin kompensaciya etip beriw ámelge asırıladı.
Arza beriwshi qálegen rayon (qala) ádillik bólimi mámleketlik xızmetler oraylarına múrájaat etedi yamasa Birden-bir ınteraktiv mámleketlik xızmetler portalınan mámleketlik xızmettnen elektron tárizde paydalanıw ushın dizimnen ótedi hám múrájaatshilerden tómendegi normalar talap etiledi.
Múrájaat etiwshi kredittiń procent tólewlerin kompensatsiya etip beriw haqqındaǵı arza;
Fizikalıq shaxstıń jeke identifikaciya nomeri (eger on altı jasqa tolmaǵan puqaralar tárepinen kredit alıw jáne onıń procent tólewlerin kompensatsiya qılıwdı sorap sertifikat alǵan balanıń nızamlı wákili tárepinen berilse, onıń jeke identifikaciya nomeri hám balanıń nızamlı wákili ekenligin tastıyıqlawshı hújjet qosımsha usınıladı)
“Bir million programmist” joybarı sheńberinde oqıw kursların tabıslı tamamlaǵanlıǵı tuwrısında sertifikat nusqası (pdf formada) jáne onıń haqıyqıylıǵın tekseriw ushın sertifikattı usınıs etken shólkemniń elektron sistemasındaǵı sertifikat siltemesi.
Arza beriwshiden bul bantde kórsetilmegen maǵlıwmat hám hújjetlerdi talap qılıw qadaǵan etiledi.
Usınıs etilgen hújjetlerdegi maǵlıwmatlardıń tuwrılıǵına arza beriwshi juwapker esaplanadı.
Múrájaatshı ózi kelip múrájaat etkende, mámleketlik xızmetlerin orayları xızmetkerleri tárepinen sorawnama toltırıladı, keyin múrájaatshı maǵlıwmatlardıń tuwrılıǵın tekserip, sorawnamanı óziniń elektron sanlı imzasi (ESI) menen tastıyıqlaydı.
Sorawnamanı ESI menen tastıyıqlaw múmkinshiligi bolmaǵan jaǵdaylarda tiyisli identifikaciya qılıwdıń basqa quralları (daktiloskopiya, elektron imza tańba hám basqalar) menen de tastıyıqlawı múmkin.
Múrájaatshı birden-bir ınteraktiv mámleketlik xızmetler portalı arqalı múrájaat etken táǵdirde, sorawnamanı ESI menen tastıyıqlaw talap etilmeydi.
Mámleket xızmetin kórsetiw biypul ámelge asıriladı.
Múrájaatshi tárepinen sorawnamada nadurıs maǵlıwmatlardıń kórsetiliwi mámleketlik xızmet kórsetiwdi biykar etiw ushın tiykar esaplanadı.
“Bir million programmist” joybarı sheńberinde oqıw kursların tabıslı tamamlap, sertifikat alǵan jaslar sertifikat berilgen sáneden baslap 180 kalendar kún ishinde kompensatsiya tólewdi sorap arza beriwi tiyis.
Wákillikli organ arza túsken waqıttan baslap úsh jumıs kúni dawamında sertifikattı verifikatsiyadan ótkeredi.
Verifikatsiya nátiyjesine kóre sertifikattıń haqıyqıy emesligi anıqlanǵanda kompensatsiya tólenbeydi hám bul haqqında múrájaatshiǵa SMS xabar jiberiledi.
“Bir million programmist” joybarı sheńberinde oqıw kursların tabıslı tamalap sertifikat alǵanda, wákillikli organ tárepinen eki jumıs kúninde kredit procentlerin kompensatsiya tólemin tólep beriw tuwrısındaǵı maǵlıwmatnama beriledi.
Xojeli rayonı Ádillik bólimi
Mámleketlik xızmetler orayi bólim baslıǵı S.Bekmuratova
