2022-jıl dawamında rayonlıq jergilikli byudjettiń orınlanıwı boyınsha MAǴLIWMAT

2022-jıl dawamında rayonlıq jergilikli byudjettiń orınlanıwı boyınsha

MAǴLIWMAT

Ózbekstan Respublikası Prezidentiniń 2017-jıl 13-dekabr kúngi “Jergilikli mámleketlik hákimyat organlarınıń finanslıq erkinligin asırıw, jergilikli byudjetlerge túsimlerdiń tolıqlıǵın támiyinlew boyınsha salıq hám qarjı organları juwapkershiligin asırıwǵa baylanıslı qosımsha ilajlar haqqında”ǵı PF-5283-sanlı Pármanı, Ózbekstan Respublikasınıń 2021-jıl 30-dekabrdegi “2022-jıl ushın Ózbekstan Respublikasınıń Mámleketlik byudjeti haqqında”ǵı ÓRQ-742-sanlı Nızamı hám Qaraqalpaqstan Respublikası Joqarǵı Keńesiniń 2021-jıl 30-dekabrdegi “Qaraqalpaqstan Respublikasınıń 2022-jılǵı jergilikli byudjet parametrleri haqqında”ǵı 194/XXVsanlı qararın orınlaw maqsetinde, Xojeli rayonı boyınsha jergilikli byudjetiniń 2022-jıl dáramatlar rejesi jámi:
24 mlrd.925,2 mln.sóm muǵdarında belgilenip, haqıyqatında 30 mlrd.411,8 mln.sóm túsirilip, yaǵnıy byudjetke qosımsha 5 mlrd.486,7 mln.sóm muǵdarında qosımsha qarjı túsiriliwine erisildi hám belgilengen reje 122,0 payızǵa orınlandı.

Tiykarǵı jergilikli salıq túrleri boyınsha sóz etetuǵın bolsaq:

– kárxanalardıń aylanba salıǵınan 4 mlrd.296,4 mln.sóm;

– isbilermenlik penen shuǵıllanıwshı fizikalıq táreplerden alınatuǵın turaqlı (pátent) belgilengen dáramat salıǵınan 1 mlrd.410,7 mln.sóm;

– yuridikalıq táreplerdiń mal-múlk salıǵınan 3 mlrd.15,8 mln.sóm;

– fizikalıq táreplerdiń mal-múlk salıǵınan 2 mlrd.963,9 mln.sóm;

– yuridikalıq táreplerdiń jer salıǵınan 5 mlrd.629,7 mln.sóm;

– fizikalıq táreplerdiń jer salıǵınan 10 mlrd.556,2 mln.sóm;

– suw resurslarınan paydalanǵanı ushın salıq tóleminen 1 mlrd.137,9 mln.sóm qarjılar túsiriliwine erisildi.

Jergilikli hákimiyat organlarınıń jergilikli byudjet qarjıların basqarıw boyınsha erkinligin arttırıw, aymaqtaǵı social-ekonomikalıq rawajlandırıw baǵdarlamaların kepillengen qarjılandırıw derekleri menen támiyinlew, jergilikli hákimliklerdi, jergilikli byudjetlerdi qáliplestiriwde hám qarjılardan nátiyjeli paydalanıwda juwapkershiligin arttırıw boyınsha 2022-jıl dawamında keń kólemli isler ámelge asırıldı.

Ózbekstan Respublikası Ministrler Kabinetiniń 2017-jıl 29-iyun kúngi “Jergilikli byudjetlerdiń dáramatlar bazasın keńeytiriw qorların anıqlaw jumısların shólkemlestiriw ilajları haqqında”ǵı qararında belgilengen wazıypalardı orınlaw maqsetinde, qarjı hám salıq xızmetkerleri menen birgelikte ótkerilgen monitoring hám úyreniwler nátiyjesinde 2022-jıl dawamında Xojeli rayonı jergilikli byudjetine jámi: 748,1 mln.sóm muǵdarında qosımsha dáramatlar deregi anıqlandı. Atap aytqanda:

– jeke tártiptegi isbilermenlerdi úyreniwler ótkeriw nátiyjesinde dizimnen ótpesten hám xızmetin toqtatıp is júritip atırǵan 164 jeke tártiptegi isbilermenlerdi dizimnen ótkeriw, xızmetin tiklew nátiyjesinde, byudjetke 162,2 mln.sóm qosımsha qarjı;

– fizikalıq táreplerdiń mal-múlklerin úyreniwdiń ótkeriw nátiyjesinde, 308 turaq jay hám turaq jay emes obektlerdiń mal múlkleriniń Mámleketlik kadastrlar palatası basqarması Xojeli rayonı filialı hám salıq bazasına kirgiziliwi nátiyjesinde, byudjetke qosımsha 29,7 mln.sóm dáramat;

– fizikalıq táreplerge tiyisli bolǵan 436 salıq tólewshilerdiń jerleri úyreniwler ótkerilip,
49,4 mln.sómlıq qosımsha jer salıǵı esaplandı.

Bazarlar hám sawda komplekslerindegi bar bolǵan sawda orınların hám diyqan bazarlarındaǵı sawda orınlardıń satıwshılar menen bántligin asırıw maqsetinde 37 jaǵdayda úyreniwler ótkeriliwi nátiyjesinde 17,5 mln.sóm qosımsha dáramat derekleri málim boldı.

Ulıwma awqatlanıw kárxanalarında hám olardaǵı islep atırǵan xızmetkerlerdi orınlarında úyreniwler nátiyjesinde 27 jaǵday úyrenildi hám olar esabınan byudjetke
20,2 mln.sóm qosımsha qarjı esaplandı.

Bunnan basqada tarawlar boyınsha salıq túsimlerin anıqlaw boyınsha úyreniwler nátiyjesinde byudjetne qosımsha 469,1 mln sóm qarjı derekleri málim boldı.

Xojeli rayonı jergilikli byudjeti qárejetler bólegi 2022-jıl ushın anıqlanǵan reje jámi
286 mlrd.165,9 mln.sómdı qurap, sonnan 281 mlrd.603,8 mln.sóm qarjılandırıldı.Tarawlar kesiminde qarjılandırılıwı:

  1. Sociallıq taraw mekemelerine 215 mlrd.517,2 mln.sómlıq qárejetlerine jumsaldı.

Sonnan: Den sawlıqtı saqlaw tarawı mákemlerine 90 mlrd.401,3 mln.sóm (sonıń ishinde kóp tarmaqlı poliklinikalarǵá 22 mlrd.552,5 mln.sóm, shańaraqlıq poliklinikalarǵa
6 mlrd.512,1 mln.sóm, shańaraqlıq shipakerlik poliklinikalarǵa 5 mlrd.851,4 mln.sóm, tez járdem bólimine 6 mlrd.881,6 mln.sóm, qıstawlı medicinalıq járdem bólimine
6 mlrd.5,7 mln.sóm, rayonlıq medicina birlespesine 38 mlrd.11,6 mln.sóm, xalıqtıń salamatlıq turmıs dárejesin qollap-quwatlaw hám fizikalıq belsendiligin asırıw rayonlıq bólimine 167,4 mln.sóm,  rayonlıq sanitariya epidemiologiya tınıshlıq hám jámiyet salamatlıǵı bólimi qárejetlerine 4 mlrd.396,5 mln.sóm), Mádeniyat hám sport tarawı mákemelerine 7 mlrd.397,1 mln.sóm, mektepke shekemgi bilimlendiriw mákemlerine
18 mlrd.705,8 mln.sóm, ulıwma bilim beriw mekteplerine 27 mlrd.979,1 mln.sóm, balalar muzika hám kórkem óner mekteplerine 6 mlrd.46,7 mln.sóm, ,,Barkamal áwlad balalar orayı»na 1 mlrd.166,9 mln.sóm qárejetler jumsaldı. Bunan basqa da xalıqtı sociallıq jaqtan qorǵaw qárejetleri ushın 61 mlrd.734,3 mln.sómlıq qárejetler jumsaldı. Sonıń ishinde, balalar napaqası ushın 55 mlrd.972,8 mln.sóm, kem támiyinlengen shańaraqlarǵa tólenetuǵın napaqa pulı ushın 4 mlrd.456,6 mln.sóm, bir mártelik tólenetuǵın napaqa pulları ushın 484,7 mln.sóm, jalǵız baslılarǵa azıq-awqat ónimleri ushın 50,2 mln.sóm, ata-anasınan ayırılǵan jetim balalardı úy-jay menen támiyinlew menen baylanıslı bolǵan qárejetler ushın 770,1 mln.sóm qárejetler jumsaldı.

  1. Ekonomikalıq taraw mákemlerine 33 mlrd.160,3 mln.sóm qárjetler jumsaldı. Sonnan: Fermer diyqan xojalıqları hám qiytaq jer iyeleri keńesleri janındaǵı fermer xojalıqları buxgalteriya esabı hám esabatın júrgiziw orayına 527,2 mln.sóm, veterinariya hám sharwashılıqtı rawajlandırıw bólimine 955,0 mln.sóm, rayonlıq haywanlar kesellikleri diagnozı hám azıq-awqat ónimleri qáwipsizligi mámleketlik orayına 398,4 mln.sóm, rayonlıq irrigaciya bólimine 1 mlrd.721,9 mln.sóm, abadanlastırıw basqarması mákemesi qárejetlerine 28 mlrd.444,0 mln.sóm qarjılandırıldı (Sonıń ishinde ishki jollardı ońlaw ushın
    6 mlrd.2,4 mln.sóm, drenaj jumısları menen baylanıslı bolǵan qárejetlerge 272,2 mln.sóm, túngi jaqtılandırıw qárejetlerine 588,0 mln.sóm, rayonlıq abadanlastırıw basqarması puqaralıq xızmet kórsetiw bólimine 532,9 mln.sóm).
  2. Basqarıw organları mákemeleri hámde basqa túrdegi qárejetlerge jámi
    32 mlrd.926,3 mln.sóm jumsaldı. Sonnan: rayon hákimligine 4 mlrd.942,6 mln.sóm, rayon xalıq qabillawxanasına 22,9 mln.sóm, qarjı bólimine 1 mlrd.877,9 mln.sóm, Xalq Deputatları Xojeli rayonı Keńesi Sekretariatına 212,6 mln.sóm, rayon awıl xojalıq bólimine 493,5 mln.sóm, Jaslar isler agentligi rayonlıq bólimine 2 mlrd.251,8 mln.sóm, rayon hayal-qızlar bólimine 1 mlrd.80,7 mln.sóm, xojeli rayonı xalıq bántligine kómeklesiw orayına 575,8 mln.sóm, ózin-ozi basqarıw uyımlarına (awıl hám mákan puqaralar jıyınları)
    3 mlrd.286,9 mln.sóm, rayon hákimligi saqlawlı qorınan 1 mlrd.635,5 mln.sóm máhalle hám nuranıylardı qollap-quwatlaw bólimine 911,4 mln.sóm, beyimlestiriw orayına
    103,2 mln.sómǵa, jámiyetshilik pikiri tiykarında qáliplesken ilajlardı qarjılandırıw ushın “puqaralar baslamalı qorı”na 8 mlrd.861,7 mln.sóm, advokatlıq xizmeti qárejerlerine
    12,3 mln.sóm jaslar dápteri qorına 845,1 mln.sóm, hayallar dápteri qorına 945,1 mln.sóm qarjı jumsaldı.