2022-jıl dawamında “Baslamalı byudjet” proсessi jámiyetshilik pikiri tiykarında qáliplesken ilajlar boyınsha ámelge asırılǵan jumıslar boyınsha maǵlıwmat

2022-jıl dawamında “Baslamalı byudjet” proсessi jámiyetshilik pikiri tiykarında qáliplesken ilajlar boyınsha ámelge asırılǵan jumıslar boyınsha maǵlıwmat

Ózbekstan Respublikası Prezidentiniń 2021-jıl 13-aprel kúngi “Byudjet procesinde puqaralardıń belsene qatnasıwın támiyinlew boyınsha qosımsha is-ilajları haqqında”ģı PQ-5072-sanlı hám 2022-jıl 25-oktyabr kúngi “Jámiyetshilik pikiri tiykarında qáliplestirilgen joybarlardı qarjılandırıw kólemin keńeyttiriw is-ilajları haqqında”ģı PQ-407-sanlı Qararları, Ózbekstan Respublikası Oliy Majlisi Senatı Keńesiniń 2021-jıl 22-aprel kúnigi “Jergilikli byudjet qarjıları sarıplanıwında jámiyetshilik qatnasıwın támiyinlew haqqında”ǵı KQ-213-IV-sanlı hám 2022-jıl 20-sentyabr kúnigi “Rayon (qala) byudjetleri qarjıların jámiyetshilik pikiri tiykarında qáliplestirilgen ilajlarǵa jóneltiriw tártibi haqqındaǵı úlgidegi nızamǵa ózgerisler hám qosımshalar kirgiziw haqqında”ǵı KQ-406-IV-sanlı qararları qabıl etildi.

Joqarıdaǵı qararlarǵa muwapıq, 2022-jıl 1-yanvardan baslap, rayon jergilikli byudjetiniń tastıyıqlanǵan ulıwma qárejetleriniń 5 payızı muǵdarında qarjılar belsendi byudjet procesine jóneltiriliwi hám de jergilikli byudjettiń qosımsha derekleriniń keminde 30 payızı jámiyetshilik pikiri tiykarında ilajlarǵa sarpılanıwı kórsetilgen. Jámiyetshilik pikiri tiykarında qáliplestiriletuǵın ilajlar bul rayonnıń sociallıq-ekonomikalıq xarakterlerinen kelip shıǵıp, qiyabanlar, balalar maydanshasın payda etiw, ishki jollardı hám sociallıq tarmaq obektlerin ońlaw, ekologiyanı jaqsılıw, ishimlik hám aqaba suwı menen támiyinlew, kóshe shıraqların ornatıw (ońlaw) hám sol qatarı basqa ilajlar.

Sonday-aq jámiyetshilik pikiri tiykarında qáliplestirilgen ilajlardı qarjılandırıwǵa baǵdarlaw ushın rayon hákimliginde byudjet mákemeleriniń byudjetten tısqarı qorı qálpindegi “Puqaralar baslamalı qorı” arnawlı jeke qazna esap beti ashıldı hám de Ózbekstan Respublikası Qarjı Ministrliginiń «Ashıq byudjet» (openbudget.uz) portalı iske túsirildi.

2022-jıl dawamında “Puqaralar baslamalı qorı”na Jámiyetshilik pikiri tiykarında qáliplestirilgen ilajlardı qarjılandırıw ushın jámi: 8 mlrd.864,7 mln.sóm qarjı jóneltirildi.Atap aytqanda;

-2022-jılǵı tastıyıqlanǵan jergilikli byudjetiniń ulıwma qárejetleriniń 5 payızı muǵdarı 7 mlrd.171,7 mln.sóm;

– Rayonlıq jergilikli byudjetiniń 2022-jıl basına payda bolǵan erkin qaldıq qarjılardıń 30 payızı muǵdarı 191,3 mln.sóm

– Dáramatlar rejesiniń artıq orınlanǵan bólegi esabınan payda bolǵan qosımsha qarjılardıń 30 payızı muǵdarı 1 mlrd.690,0 mln.sóm(I-sherek 513,4 mln.sóm, II sherek 589,5 mln.sóm, III-sherek 587,1 mln.sóm) qarjılar jóneltirildi.

2022-jılda  “Baslamalı byudjet”processi 2 márte bolıp ótti  hám de jámiyetshilik pikiri tiykarında qáliplestirilgen ilajlarda jeńimpaz bolǵan 13 usınıstı qarjılandırıw ushın jámi: 7 mlrd.822,5 mln.sóm jumsaldı.

Sonnan 1-máwsimde jeńimpaz bolǵan 8 usınısqa 4 mlrd.80,8 mln.sóm,
2-máwsimde jeńimpaz bolǵan 5 usınısqa 3 mlrd.741,6 mln.sóm jumsaldı.

“Baslamalı byudjet” processi 1-máwsiminde ámelge asırılǵan jumıslar

“Baslamalı byudjet” procesi 1-máwsimi 2022-jıl fevral-mart aylarında úsh basqıshta ótkerilip, 1-basqıshta puqaralar tárepinen óz aymaǵındaǵı bar bolǵan mashqalalarǵa sheshim tabıw boyınsha «openbudget.uz» saytı arqalı puqaralar tárepinen 1135 usınıslardı bildirdi. 2-basqıshta dúzılgen isshi komissiya tárepinen úyrenilip, moderaciyadan ótkerildi hám 558 usınıs qabıl etilip, dawıs beriw basqıshına ótkerildi.Bir-birine uqsas takrarlawshı usınıslar hám belgilengen kriteriyaǵa sáykes emesligi sebepli 577 usınıs biykar etildi. Dawıs beriw processi 3-basqıshta 558 usınıslarǵa jámi 14718 dawıslar berildi. Dawıs beriw processi juwmaǵına kóre «Openbudget.uz» saytına puqaralar tárepinen berilgen usınıslarǵa jıynalǵan dawıslar sanınan kelip shıǵıp tómendegi 8 usınıs jeterli dawıs toplap jeńimpaz dep tabıldı.Usı
8 usınıstı yaǵnıy, joybar jumısların ámelge asırıw ushın buyırtpashı shólkemi etip belgilengen byudjet mákemeler esap betlerine ótkerip berildi.

  1. “Xojeli rayonı XBBne qaraslı 14-sanlı ulıwma orta bilim beriw mektebi imaratın ońlaw” usınıs muǵdarı 800,0 mln.sóm (2251 dawıs).Usı joybarǵa Xojeli rayonı Xalıq bilimlendiriw bólimi buyırtpashı shólkemi etip belgilenip hám jumıslardı ámelge asırıw ushın jami 797,9 mln.sóm ajıratıldı. 2023-jıl 1-yanvar jaǵdayına
    774.8 mln.sómǵa qarjılandırılıp, jumıslar tolıq ámelge asırıldı.
  2. “Mustaqıllık aymaǵındaǵı XBBne qaraslı 15-sanlı ulıwma orta bilim beriw mektebine balalar oynawı ushın gazon (25-42m) maydanshası kerek” usınıs muǵdarı
    500,0 mln.sóm (1511 dawıs). Usı joybarǵa Xojeli rayonı Xalıq bilimlendiriw bólimi buyırtpashı shólkemi etip belgilenip hám jumıslardı ámelge asırıw ushın
    512,8 mln.sóm qarjı ajıratıldı. 2023-jıl 1-yanvar jaǵdayına 512,8 mln.sómǵa qarjılandırılıp, jumıslar tolıq ámelge asırıldı.
  3. “Qumjıqqın APJ aymaǵında jaylasqan “Awez awıl” elatlı punktı xalıq kóp bolǵanlıǵı sebepli 50 lik truba gaz basımın tolıq jetkerip berealmaǵanlıǵı ushın
    50 lik trubanıń 1,5 km jerin 100 lik trubaǵa ózgertiw” usınıs muǵdarı 500,0 mln.sóm (1135 dawıs). Usı joybarǵa Xojeli rayonı hákimligi buyırtpashı shólkemi etip belgilenip hám jumıslardı ámelge asırıw ushın 469,4 mln.sóm qarjı ajıratıldı. 2023-jıl 1-yanvar jaǵdayına 469,4 mln.sómǵa qarjılandırılıp, jumıslar tolıq ámelge asırıldı.
  4. “Kulab APJ “Progress” elatlı punktı aymaǵındaǵı Keleshek, Jasaurat, Jańajer, Sumbila kóshelerine ShPS jayıw kerek” usınıs muǵdarı 350,0 mln.sóm (1036 dawıs). Usı joybarǵa Xojeli rayonı abadanlastırıw basqarması buyırtpashı shólkemi etip belgilenip hám jumıslardı ámelge asırıw ushın 348,2 mln.sóm qarjı ajıratıldı. 2023-jıl
    1-yanvar jaǵdayına 348,2 mln.sómǵa qarjılandırılıp, jumıslar tolıq ámelge asırıldı.
  5. “Janqońırat MPJ aymaǵında Mexribanlıq, Jaslıq, Ak terek, Yangi hayot, Sayoar, Hayot kóshelerin ońlaw” usınıs muǵdarı 630,0 mln.sóm (953 dawıs). Usı joybarǵa Xojeli rayonı abadanlastırıw basqarması buyırtpashı shólkemi etip belgilenip hám jumıslardı ámelge asırıw ushın 627,5 mln.sóm qarjı ajıratıldı. 2023-jıl 1-yanvar jaǵdayına 627,5 mln.sómǵa qarjılandırılıp, jumıslar tolıq ámelge asırıldı.
  6. “Júzimzar MPJ B.Xudaybergenov kóshesi 21 jayda jaylasqan kóp qabatlı imaratın remontlaw kerek hám hájetxanada qurıw kerek” usınıs muǵdarı
    500,0 mln.sóm (886 dawıs). Usı joybarǵa Xojeli rayonı Hákimligi buyırtpashı shólkemi etip belgilenip hám jumıslardı ámelge asırıw ushın 495,6 mln.sóm qarjı ajıratıldı.2023-jıl 1-yanvar jaǵdayına 495.6 mln.sómǵa qarjılandırılıp, jumıslar tolıq ámelge asırıldı.
  7. “Xojeli rayonı «Sarıshúngúl» APJ Muratlı kóshesiniń 835 metr aralıǵın ońlaw” usınıs muǵdarı 175,0 mln.sóm (867 dawıs). Usı joybarǵa Xojeli rayonı abadanlastırıw basqarması buyırtpashı shólkemi etip belgilenip hám jumıslardı ámelge asırıw ushın 174,1 mln.sóm qarjı ajıratıldı. 2023-jıl 1-yanvar jaǵdayına
    174,1 mln.sómǵa qarjılandırılıp, jumıslar tolıq ámelge asırıldı.
  8. “Qırqınshı MPJ S.Yusupova kóshesine asfaltlaw” usınıs muǵdarı
    (808 dawıs). Usı joybarǵa Xojeli rayonı abadanlastırıw basqarması buyırtpashı shólkemi etip belgilenip hám jumıslardı ámelge asırıw ushın 655.3 mln.sóm qarjı ajıratıldı. 2023-jıl 1-yanvar jaǵdayına 655.3 mln.sómǵa qarjılandırılıp, jumıslar tolıq ámelge asırıldı.

“Baslamalı byudjet” processi 2-máwsiminde ámelge asırılǵan jumıslar

“Baslamalı byudjet” processi 2-máwsimi úsh basqıshta ótkerildi. 1-basqısh usı jıldıń 22-iyul kúninen 3-avgust kúni aralıǵında usınıs qaldırıw processi bolıp ótti. Bunda puqaralar tárepinen óz aymaǵındaǵı bar bolǵan mashqalalarǵa sheshim tabıw boyınsha «openbudget.uz»saytı arqalı puqaralar tárepinen 705 usınıslardı bildirdi.
2-basqıshta usı jıldıń 4-avgust kúninen 23-avgust kúnine shekem usınıslardı tańlaw processinde, barlıq usınıslar jámiyetshilik pikiri tiykarında ilajlardı qáliplestiriw, bahalaw, tańlap alıw hámde orınlanıwın monitoring qılıw boyınsha dúzetilgen isshi komissiya tárepinen úyrenilip, moderatsiyadan ótkerildi hám 632 usınıs qabıl etilip, dawıs beriw basqıshına ótkerildi. Bir-birine uqsas takrarlawshı usınıslar hám belgilengen kriteriyaǵa sáykes emesligi sebepli biykar etilip 73 usınıs qabıllanbadı.
3-basqısh dawıs beriw processi usı jıldıń 24-avgust kúninen
17-sentyabr kúni aralıǵında qabıl etilgen 632 usınıslarǵa dawıs beriw processi bolıp ótti. “Baslamalı byudjet” processi 2-máwsimi dawıs beriw juwmaǵına kóre «Openbudget.uz»saytına puqaralar tárepinen berilgen usınıslarǵa jıynalǵan dawıslar sanınan kelip shıǵıp 5 usınıs jeterli dawıs toplap jeńimpaz dep tabıldı.

Usı 5 usınıstı yaǵnıy, joybar jumısların ámelge asırıw ushın buyırtpashı shólkemi etip belgilengen byudjet mákemelerge esab betleri ashilip hám usı esab betlerge  “Puqaralar baslamalı qorı” esabınan jámi: 3 mlrd 890,0 mln.sóm qarjılar ótkerip berildi.Atap aytqanda;

  1. “Pirjan Seytov 6-mektepke gazon ornatıw kerek, mektep oqıwshıları bárshe aymaq jasları, turǵınları futbol oynap sport penen bánt bolar edi” usınıs muǵdarı
    550,0 mln.sóm (1481 dawıs). Usı joybarǵa Xalıq bilimlendiriw bólimi buyırtpashı shólkemi etip belgilenip hám jumıslardı ámelge asırıw ushın 539,7 mln.sóm qarjı ajıratıldı. 2023-jıl 1-yanvar jaǵdayına 539,7 mln.sómǵa qarjılandırılıp, jumıslar tolıq ámelge asırıldı.
  2. “Xojeli rayonı “Abat” MPJ 3-sanlı mekteptıń fasadların islew, atrapın abadanlastırıw hám remontlaw” usınıs muǵdarı 800,0 mln.sóm (1461 dawıs). Usı joybarǵa Xojeli rayonı Xalıq bilimlendiriw bólimi buyırtpashı shólkemi etip belgilenip hám jumıslardı ámelge asırıw ushın 677,1 mln.sóm qarjı ajıratıldı. 2023-jıl 1-yanvar jaǵdayına 677,1 mln.sómǵa qarjılandırılıp, jumıslar tolıq ámelge asırıldı.
  3. “Qırqınshı MPJ Bostan kóshesine asfalt kerek, sebebi kóp jillardan berli qıs aylarında qıyınshılıqlar ushıramaqta 1300 metr” usınıs muǵdarı
    1 mlrd.40,0 mln.sóm (1432 dawıs). Usı joybarǵa Xojeli rayonı abadanlastırıw basqarması buyırtpashı shólkemi etip belgilenip hám jumıslardı ámelge asırıw ushın
    1 mlrd.36,3 mln.sóm qarjı ajıratıldı. 2023-jıl 1-yanvar jaǵdayına
    1 mlrd.36,3 mln.sómǵa qarjılandırılıp, jumıslar tolıq ámelge asırıldı.
  4. “Bunyodkar MPJ aymaǵındaǵı bos turǵan Temir jol boyı «Aqsúngúl» kóshesinde ashıq jer maydanǵa jaslardıń bos waqıtın mazmunlı ótkeriw ushın Gazon futbol stadion hám balalar maydanshası qurıp beriwińizdi sorayman” usınıs muǵdarı 700,0 mln.sóm (1329 dawıs). Usı joybarǵa Xojeli rayonı Máhalle hám nuraniylardı qollap-quwatlaw bólimi buyırtpashı shólkemi etip belgilenip hám jumıslardı ámelge asırıw ushın 690,1 mln.sóm qarjı ajıratıldı. 2023-jıl 1-yanvar jaǵdayına
    689,5 mln.sómǵa qarjılandırılıp, jumıslar tolıq ámelge asırıldı.
  5. “Shaǵalakól MPJ Doslıq kóshe 55 jayda jaylasqan kóp qabatlı (4 etajlı) eki domdı remontlaw hám abadanlastırıw jumısları kerek” usınıs muǵdarı
    800,0 mln.sóm (1123 dawıs) qarjılar ótkerip berildi. Usı joybarǵa Xojeli rayonı hákimligi buyırtpashı shólkemi etip belgilenip hám jumıslardı ámelge asırıw ushın 791,1 mln.sóm qarjı ajıratıldı. 2023-jıl 1-yanvar jaǵdayına 791,1 mln.sómǵa qarjılandırılıp, jumıslar tolıq ámelge asırıldı.