ЁНҒИНДА ТЎҒРИ ҲАРАКАТЛАНИШ
⚡️ЁНҒИНДА ТЎҒРИ ҲАРАКАТЛАНИШ
⚡️Ёнғин пайтида:
– ёнғин пайтида босиқлик билан фикр– мулоҳаза юритиб, ҳаракат қилинг. Ваҳимага тушманг;
– манзилингизни аниқ кўрсатган ҳолда ўт ўчирувчиларга хабар беринг;
– газ ва электр тармоғини узинг;
– қўл остидаги воситалар ёрдамида ёнғинга қарши курашинг. Бунда нефть маҳсулоти ёнаётган бўлса унга сув сепманг. Электр жиҳозлари ёнаётган бўлса уни электр тармоғидан узмасдан туриб оловни ўчиришга ҳаракат қилманг;
– ёнғинга қарши курашиш имкони бўлмаса дарҳол бинони тарк этинг;
– чиқаётиб ёрдамга муҳтож одамлар ва уй ҳайвонларини қутқаришга ҳаракат қилинг. Ёнаётган одамни кўрсангиз уни бирор мато ёки кийиб билан ёпииб ерда думалатинг;
– агар чиқиш йўлаклари тутун билан қопланган бўлса ташқарига чиқишга ҳаракат қилманг. Уй ичида қолиб эшик ва деразаларни беркитинг, улардан тутун ва ҳаво кирмаслиги учун тарқишларига ҳўл латта тиқинг; Эшикка сув сепиб туринг. Бошқалар сизни кўриши учун дераза ёнида туришга ҳаракат қилинг (деразани очманг);
– агар тутунли жойга тушиб қолсангиз ерга ётиб олинг. Ҳар доим тутун тепада, тоза ҳаво пастда бўлади.
⚡️Ёнғиндан сўнг
Ўт ўчирувчилар ва қутқарувчиларнинг кўрсатмаларига амал қилинг. Улар билан ҳамкорликда уйни кўздан кечириб чиқинг. Жабрланганларга ёрдам кўрсатинг.
Қорақалпоғистон Республикаси Фавқулодда вазиятлар бошқармаси бўлинма инспектори катта лейтенант С.Тлеубергенов
