Бүгин 2021-жыл 13-июнь күни Хожели районы «Саманкөл» АПЖ «Жаңабай Жаўлан» фермер хожалығында тәкирарий егин бойынша көргизбели семинар болып өтти. Онда, хүкимет баслығы Қ.Сариев, республика хәм район сектор басшылары, фермерлер, жасларымыз қатнасты. Тийқарғы мақсет халықты жумыс пенен тәмийнлеп, белгиленген дәраматқа ийе болыуына ерисиу есапланады. Әсиресе, жумыссызлар, темир, хаяллар, жаслар дәптерлериндеги пуқараларымызға жәрдем етиуге қаратылған әмелий жумыслар додаланды. Семинарда, бийдай орағынан босаған майданларға егилетуғын өним түрлери менен жақыннан танысып, аўыл хожалығы ушын жаңадан алып келинген техникалар нәтийжелилигин көрип шықты. Буннан соң, мийманларымыз районымыздың жумыссыз жаслары менен ашық сәўбет өткерип, олардың машқалаларын тыңлады. Сондай-ақ, ўәлаятлардан келген фермерлеримиз тәрепинен өз тәжирийбелеринен келип шыққан ҳалда керекли мәсләҳәтлерин берди.